Gjykata e Tiranes ka pranuar kërkesën e një shtetasje suedeze për ta njohur si trashëgimtare të biznesmenit të ndjerë Vebi Veliaj. Bëhet fjalë për Anna Nordstrom, e ardhur në jetë nga një lidhje jashtëmartesore e biznesmenit.
Pas një beteje gjyqësore të nisur mes Nordstrom dhe familjes së biznesmenit në Shqipëri që në vitin 2011, dje gjykata e njohu atë ligjërisht si të bijën e biznesmenit, shkruan “Panorama”.
Në të njëjtin vendim gjykata e ka ligjëruar atë si trashëgimtarë te 1/5-ës të pasurisë së biznesmenit Veliaj.
Përballja ligjore e Nordstrom për t’u njohur si trashëgimtare e Veliajt ka nisur shtatë vite më parë.
Ajo iu drejtua gjykatës me një padi për “njohjen si trashëgimtare ligjore të radhës së parë të trashëgimlënësit V.Velija dhe dorëzimin e pasurisë trashëgimore”.